top of page
2020-ci il bütün ölkələrdə olduğu kimi vətənimiz Azərbaycanda da bir çox problemlərlə müşaiət olundu. AMD-Birliyi yarandığı ilk günlərdən vətənimizdə baş verən proseslərdə yaxından iştirak eləməyə çalışmışdır. Belə ki, Covid-19 Pandemiyası dövründə idarə heyətimizin üzvləri başda Elşən Ağayev və Səbahət Bayramova olmaqla, müxtəlif informasiya telekanallarında informativ müsahibələrlə çıxış edərək həmvətənlərimizin maariflənməsinə və xaricdə çalışan həkimlərlə Azərbaycandakı həkimlərin arasında təcrübə mübadiləsinə təkan vermişlər.
Ölkəmizin tarixinə şanlı hərflərlə yazılan bir qələbə ilə nəticələn 44 günlük müharibədə Turab Qasımov başda olmaqla AMD-idarə heyətimizin digər üzvləri onlara dəstək verən Almaniyadakı həkim qrupu ilə birlikdə, döyüş bölgəsində könüllü tibbi xidmət üçün müraciət etmişdir.
Cəbhə bölgəsində sinəsini sipər edən əsgərlərimizin müalicəsi və rehabilitasiyasına o cümlədən müharibədə zərərçəkmiş mülki insanlara maddi dəstək göstərilməsi üçün AMD-idarə heyətimizin üzvü Elbəy Rəsullunun başçılığı ilə təşlilati işlərə start verilmişdir. Bu məqsədlə açılmış Fonda toplanan maddi vəsait müvafiq istiqamətlərdə xərclənmişdir.
AATİB- in təşkilatçılığı ilə könüllü həkimlərdən ibarət psixoloji dəstək qrupu yaradılıb. Onların vəzifəsi müharibə zamanı psixoloji zərər görmüş insanlara xüsusi xidmət göstərməkdən ibarətdir.
bottom of page